د کوثر اوبه

په دې کتاب کې دقرانکريم په هکله لنډ معلومات ، د زمزم د اوبو په باره کې علمي او..

سريزه

ګرانو لوستونکو!

دا کتاب (دکوثراوبه)چي د ښاغلي استاد مياه صاحب سيد محی الدين تاليف دی په مختلفو مضامينو مشتمل دی ، مضامين ډير په زړه پورې او د خورا استفادې وړ دي .

مثلاً:په دې کتاب کې دقرانکريم په هکله لنډ معلومات ، د زمزم د اوبو په باره کې علمي او ساينسي څيړنه ،د شرابو د تدريجې حرمت حکمت او د شمسي نظام په هکله لنډ معلومات تر سترګو کيږي .

د کتاب په دوهمه برخه کي د امام ابوحنيفه (رح) علمي مقام څخه هم په لنډه توګه يادونه شوې ده ، او بيا دصحاح سته د امامانو مذاهب او د امام اعظم (رح) په هکله د اهل علمو اقوال ذکر شوې دي .

او په خورا ايجاز سره يي يه ډيرو مسائلو پکې ځغلنده نظر اچول شوې دی چي مطالعه کول يي د هرمسلمان لپاره ډير ګټور دي .

او ځيني نادره مسائل هم په کي په خورا زياته اندازه ليدل کيږي چي د ذوق په زياتولو کې پوره اغيزه لري .

همدرانګه د علم مکاشفات په اړه د شاه نعمت الله ولي عجيب او غريب ابيات هم په کي ذکرشوي دي چي دراتلونکو ۱۰۰۰ کلنو احوال راښايي او يوه په زړه پورې وړاندوينه ورته ويلای شو او دغه ابيات نوموړي په خپل مشهور فارسی ديوان کشف وجداني (الهامات) نومې کتاب کي په ډير منظم انداز کې قلمبند کړي دي چي تقريباً د ۱۰۰۰ کلنو راهيسی يي هر کشف لفظ په لفظ درست ثابتيږي .

لنډه دا چي د دغه کتاب (د کوثر اوبه) مطالعه د هر لوستونکې په معلوماتو کې اضافه کوي او د نورو کتابونو مطالعې ته يي هڅوي .

په پای کي د مؤلف لپاره د الله (ج) له درباره څخه د لوی اجر غوښتونکی يم او په دې لاره کي ورته د لابرياليتوب هيله کوم.

استاد عبدالله (مظلوميار)

دغه کتاب له ټلګرام چینل څخه هم ډانلوډ کولای شئ

Telegram.me/hedayatApp