طقطقيشن.

صار للجماهير الرياضية (هلاليين, نصراويين الخ) حرية التجمهر الإلكتروني بس بطريقتنا

الوضع هنا غييييييييييييييييييييييييييييييييير يالحبيب وبصراحة المفروض يكون كذا من الأول، عطينا للجماهير حرية للتجمع والتجمهر الإلكتروني للدردرشة بشكل مختلف وبرضه طرحنا أخبار رياضية، ممكن تتناسب وممكن ما تتناسب مع الكل. ما اتوقع بالإمكان انك تلقى بيئة تنفّس فيها عن ما يدور في خلجات نفسك لفريقك ضد أي جمهور منافس الا عن طريق تطبيقنا وبشكل فوري ومباشر وجها لوجه مع المشجع الثاني، بس كان الموضوع صعب عليك وتفضل انك تبقى مقزز، خلك زي ما انت لانه الميدان هنا للجزومين.

وللعلم ترى ما فيه أحد راح يجبرك على شيء او يلحس مخك علشان تغير فريقك ... كل اللي عليك انك تكون مقتنع بفريقك وتحبه قلبا وقالبا ... ومافيه احد راح يقدر عليك ...

وكانك احتجت لفزعه المفروض انه ربعك وجمهور فريقك ما يقصرون معك مهب ذنبنا اذا جمهورك ماكان متواجد لك وقت حاجتك له...

ملاحظة : كانك حساس ومشاعرك مرهفة وتخاف أحد يتكلم على فريقك هذا مو مكانك

ولاتشيل هم البثرين والا الملاحيس لاننا حطينا في التطبيق حل لك يضمن لك وقت الأزمات تحطهم عند حدهم وتعطي كل واحد حجمه الطبيعي وتخليه يعظظظظظظ على شحمه ويريحك منه وقت نقاشاتك في الميدان ...

عاد ما ودنا نطولها وهي قصيرة ... درعم عندنا "حياك" وشف بنفسك الوضع ...

الوعد قدام