عادات و مواكيس

Le premier livre arabe publié exclusivement comme une application pour les appareils intelligents .... droit KHC Baiedk

السلام عليكم ....

انا محمد الساعي...

طبيب مصري من نبت الارض الخضرا...او السودا...هي كان زمان ايام الفراعنة اسمها " كمت " يعنى الارض السودا...

عندهم بعد نظر اجدادنا دول و الله...

بس دا مش موضوعنا دلوقتي....

لا و الله موضوعنا....لما احنا اجدادنا كانوا فحات كدا( جمع فحيت مذكر ابو سالم) احنا ليه بقينا مواكيس؟؟

في وجهة نظري المتواضعة التي لا قيمة لها على الاطلاق ان احد أهم الاسباب هو عاداتنا و تقاليدنا اللى ما انزل الله بها من سلطان و اللى ابليس يتعلم مننا فيها حاجات و الله...

في الكتاب دا حضرتك هتديني فرصه اناقش معاك و اتكلم معاك في بعض هذه العادات....

بين يديك عزيزي المستمع و القاريء و المشاهد ....الجزء الاول من هذا الكتاب..

."عادات و مواكيس...شخصية لا مؤاخذة مصر"

زي ما استاذنا جمال حمدان عمل كتاب "شخصية مصر " انا عملت الكتاب دا و كلمة " لا مؤاخذة " تعبر عن الكسوف من مكونات الشخصية الحالية الموكوسة

في هذا الجزء بنتكلم عن بعض طبائع الشخصية المصرية الحالية و ارتباطها بحالنا ....

اتمنى الكتاب يعجبكم....