श्री आर्यादुर्गा देवी

श्री आर्यादुर्गा देवी | Shree Aaryadurga Devi

श्री आर्यादुर्गा देवी | Shree Aaryadurga Devi

स्कंद पुराणांत गोकर्ण महात्म्यमध्ये उत्तरखंडात " श्री आर्यादुर्गा महात्म्य " वर्णन केले आहे.

Aryadurga devi, Devihasol आर्यादुर्गा देवी देवीहसोळ, is a Hindu temple situated in Devihasol village and it's very famous temple in Rajapur taluka, Maharashtra state, India. It is 18 km from Rajapur, 52 km from Ratnagiri and 380 km from Mumbai. Many devotees come to visit this temple, The fair of Aryadurga devi and Navadurga devi (bhalavli) is also famous, which occurs in October in navratri on eighth day. It is a historic religious and spiritual place in the hideout of nature covered area of Konkan.Goddess ARYADURGA is the Kuldevi of many Karahde Brahmin.

श्री आर्यादुर्गा मातेचं मुख्य मंदिर हे उत्तर कर्नाटकातील अंकोला येथे आहे. तसेच आईचे इतर मंदिरे सिंधुदुर्ग जिल्ह्यात कुडाळ व कणकवली आणि राजापूर तालुक्यात क्षेत्र देवीहसोळ येथे आहे, आर्यादुर्गा मातेची सर्व क्षेत्रे ही जागृत देवस्थान आहेत. आईचा महिमा देखील महान आहे. चला तर जाणून घेऊया मातेची थोर गाथा... एक वृत्रासूर नावाचा क्रूर दानव होता तो फार बळवान होता त्याला आपल्या शक्तीचा फार गर्व होता. वृत्रासूराने आपल्या सर्व शत्रूना हरवून पृथ्वीवर आपले अधिपत्य स्थापन केले. सर्वाना आपल्या अधिन केले. त्यानंतर तर त्याची महत्वाकांक्षा इतकी वाढली की त्याने स्वर्गावर आक्रमण केले आणि इंद्राला हरवून स्वर्गलोक काबिज केले. सर्व देव भगवान विष्णु, ब्रह्मदेव, आणि महादेव यांना शरण आले व घडलेली घटना त्यांना सांगितली. त्रिमूर्ती तसेच सर्व देवी, देवता यांच्या दिव्य तेजातून शक्ती निर्माण झाली. विष्णुतेजातून देवीला हात व केस प्राप्त झाले, सोमतेजातून स्तन, इंद्रतेजापासून उदर, पृथ्वीतेजातून कंबर, ब्रम्हतेजातून पाय, पायांची बोटे सूर्यतेजापासून, कुबेरतेजापासून नाक, प्रजापती तेजापासून दात, वायूतेजापासून डोळे, अग्नीतेजातून कान प्राप्त झाले. भगवान महादेवांनी देवीला त्रिशूळ प्रदान केले, विष्णूंनी आपले सुदर्शन चक्र दिले,ब्रम्हदेवांनी आपले ब्रम्ह दंड दिले, यमाने यमदंड दिले, वरूणदेवाने वरूणपाश दिले, वायूदेवाने आपले दिव्य धनुष्य दिले, इंद्राने आपले वज्र दिले, अग्नीदेवाने दिव्य शक्ती दिली, समुद्रराजाने शंख दिले, सर्व देवतांनी देवीला आपापली शक्ती प्रदान केली. अशी साकारली आई आर्यादुर्गा माता, आईच्या त्या दिव्य रुपाला सर्व देवी, देवतांनी वंदन कले. देवीचे ते दिव्य तेज पाहून वृत्रासूर भयभीत झाला. दोघांमध्ये घनघोर युद्ध झाले. शेवटी आईने वृत्रासूराचा वध करून सर्वत्र शांती प्रस्थापित केली. देवी देवतांनी आर्यादुर्गा आईचा जयजयकार केला.

आर्यादुर्गा माता देवीहसोळ ग्रामात प्रकट होण्याबाबत देखील एक कथा प्रचलित आहे. देवीहसोळ येथे पळसुले देसाई हे गृहस्थ राहत होते. ते देवीचे फार मोठे उपासक होते. देसाई दरवर्षी देवीच्या दर्शनाला क्षेत्र अंकोला (कर्नाटक) येथे जात असत. पण पुढे वृद्धापकाळामुळे त्यांना मातेच्या दर्शनाला जाणे शक्य होइना. त्यांनी देवीला प्रार्थना केली की आई मी तुझी भक्तीभावाने पूर्ण श्रद्धेने पूजा केली पण आता ही माझी शेवटची यात्रा. वयोमानानुसार आता मला तुझ्या दर्शनाला येणे शक्य नाही. आर्यादुर्गा माता त्यांच्या भक्तीवर प्रसन्न झाली. देसाईंच्या स्वप्नात येऊन देवी त्यांना म्हणाली की तुम्हाला येथे येण्याची गरज नाही, मीच तुमच्या मागुन तुमच्या घरी येईन. पण प्रवासादरम्यान तुम्ही मागे वळून पाहु नका. देसाई जेव्हा देवीहसोळ गावाच्या सीमेवर आले तेव्हा त्यांना पैंजणाचा आवाज येऊ लागला आणि त्यांनी उत्सुकतेपोटी मागे वळून पाहिले तर त्यांना मातेच्या दिव्य रुपाचे दर्शन झाले. आणि माता अदृश्य झाली. आर्यादुर्गा माता जेथे अंतर्धान पावली तिथे मातेचे चरण ( पाऊल ) उमटले.

Website : https://shreeaaryadurgadevi.com/

Wikipedia : https://en.wikipedia.org/wiki/Aryadurga_devi,_Devihasol

Facebook : https://www.facebook.com/shreeaaryadurga/

जर तुमच्या कडे काही स्तोत्रे किवा आरती असेल तर मला पाठवा.....

(App doesnot contains any Ads)

Made purely for devotional purpose.

if you have any aarti or stotre regarding Devi (shree Aaryadurga Devi)..please mail me at [email protected]