Ngawn Chin Bible (NIV)

Ngawn Chin Bible (NIV)

1997 kum in NIV tuah Ngawn Bibal a veinihnak, a masabel cu 1951 kum in Rev. Lun Cung Nung ( Hawzang) in Ngawn Awn tuah Mark Gospel cu celzetno in na bawl sak awng zotoh hi. Ngawnmi ten lungdam aipuang zet in tuni tian mangten hung hi. Mahticun amah a nung calaih ahin Laithianglim Lun le Thak nei kawm zo tuk nave hung, 1954 kum in na thihsan taktoh cu Bibal Lun (OT) le Thak (NT) nei ngawl in tunitian tang thong hung hi.

Pathian hehpihnak in 1997 kum March ha in Ngawn Awn tuah Bibal (NIV) tuah Bibal Lun Sam le Cihnuncap panih tel in suahleh thei hung hi. Mahnungten Pathian lam hongsak leh in 2019 ( anung kum 23) ngei nung ten veinihnak nemleh thei hung hi. Pathian min thangphat hung hi.

Tu cun computer khan a hennak bangin nate cu manlang, celciannak tuamtuam na nei ama, nonawn khangthak ten a computer zui- in na cak, nathiam, na manlang haw bok zo haw ama, tuni tusun ah Rev. Lun Cung Nung muleh tik nuam hung hi. Mah sialngawl phone sung pen Bible Version tuamtuam thun in Ngawnmi ten sial le zo, zir thei ta hung hi.

Mah sialngawl Bibal Concordance vang nei pepel to thei tuk muanupnak tampi nei laih hung. Pathian sungah thinkhat lungkhat in Khrih ah khangham toto thei ten tuk zuam nunghi tih son nuam bebel ing hi. Leihum ningkim a thehthang in a um Ngawnmi ten Bible cu eimu Awn in sialzal ten nung. Traditional, Marginal, le Assimilated tin a dinmun uh cu a khantoh dan uh zui-in dangtek na ve hung. Bawi Khrih ah pumkhat hi hung. Lungdam!