principles of spiritual life(Eritrean)

principes de la vie spirituelle (érythréen)

እዚ መንፈሳዊ ካሪክለም ኣብ ሰለስተ ቀንዲ መሰረታዊ መምርሒ ዝተመርኮሰ ኮይኑ ፡ ሰንሰለታውን ንቀጻሊ ዕብየት ኣብ መንፈሳዊ ሂወት ሓጋዚ እዩ ።

ቀዳማይ ፡ ’’ግብራዊ ስራሕ‘’ ኮይኑ ነፍስ ወከፍ ነጥቢ ኣንቢብካ ሓቀኛ ዕብየት መታን ክትረኽበሉን ፡ ክትዕወተሉን ኣብ ምትግባሩ ክትጽዕር ኣለካ ፡ ኣብ ምንባብ ጥራሕ እንተተሓጺርካ ግን ከም ተራ መጽሓፍ ንኽትዛናጋዕ ኢልካ ተንብቦ ክኸውን እዩ ፡ ንሱ ጥራሕ ዘይኮነ ጅምር ኣቢልካ ምግዳፍ’ውን ንቀጻሊ ዕብየት ውጽኢት የብሉን ።

ካልኣይ ፡ ’’ብመስርዕ ክኸውን ኣለዎ ‘’ ኣብ ሰሙን ሓንቲ ክፋል ኣብ ተንብበሉ ንዓኣ ኣብ ግብሪ ከየዉዓልካ ናብቲ ካልእ ጽሑፍ ምስጋር ፡ ብሃውሪ ምንባብ ፡ ጀሚርካ ዘይምውዳእ ፡ ካብ ተራ ምንባብ ሓሊፉ ስሩዕ ዘይኮነ ኣካይዳን ፡ ንዘንበብካዮ ዘረስዓካን እዩ ። ከም ውጽኢቱ ድማ ኣንቢብካ ጥራይ ኢኻ ክተርፍ ስለዚ ነፍሲ ወከፍ ነጥቢ ዝተታሓዘ ኮይኑ ስለ ዝተዳለወ በቐደም ተኸተል ኣገባብ ምኻድ ኣገዳሲ እዩ ። ኣብ ግዜ ምንባብካ ገሊኡ ትፈልጦ ገሊኡ ኸኣ ሰሚዕካዮ ዘይትፈልጥ ነገራት ምርካብ ባህርያዊ ኮይኑ ምሳና ሓቢርኩም ክትቅጽሉን ዕጋበትን ሓጎስን ዝመልኦ ሂወት ክኾነልኩም ሰናይ ምኒዮትና’’ዩ ።

ሳልሳይ ’’ ቀጻልነት’’ ኣብዚ መንፈሳዊ ካሪክለም እዚ ዝከታተለካ ፡ ዝመርሓካን ኣባት ነብሲ ወይ ኣገልጋሊ ቤተክርስቲያን ምሳኻ ክህሉ ተመራጺ’’ዩ ። እቲ ኣገዳሲ ነጥቢ ግዚኡ ወፊዩ ምሳኻ ኮፍ ኢሉ ዝከታተለካን ኣፍልጦ መንፈሳዊ ሂወት ዘለዎ ክኸውን ዝያዳ ተመራጺ ይኸውን ፡ ዝከታተለካ ሰብ እንተ ስኢንካ ግን ጸሎት ብምግባር ዓይነ ልቦናኻ ክኸፍተልካ ለምን ። ኮይኑ ግን ነዚ ንምግባር ስጋብ መወዳእታ ንምቅጻል ፡ ዓቅልን ትዕግስተን ክሓተካ’’ዩ ! መንፈስ እግዚኣብሔር እሙን ስለ ዝኾነ ከኣ ኣብ መዓልታዊ ጸሎትካ ክሰምዓካን ክድግፈካን መምህርካን ክኸውን’’ዩ ።

* ንዝያዳ ሓበሬታ ፡ ሓገዝ ፡ ሕቶ ወይ ክውሰኽ ኣለዎ ትብልዎ ፡ ወይ ብመልክዕ PDF ዝተረፈ ክፋላት ክለኣኸልኩም ንእትደልዩ ብgodlovehostel@gmail.com ክትረኽቡና ትኽእሉ ኢኹም ወይ በዚ ዝስዕብ ኣድራሻ ፡

25 street Mustafa basha ካብ toman bay street hadayek zeytun cairo ቤት ፍቅሪ እግዚኣብሄር ንካብ ርሑቅ ዝመጹ ተማሃሮ ሓገዝ እንዳ ሃበ መንፈሳዊ ኣጎልጉሎቱ የበርክት